रामेछाप जिल्लाको दुर्गम गा.वि.स. भुजीको एक मात्र मा.वि विद्यलय श्री कास्थेम् मा.वि.द्वारा अविभावक दिवसको अवसरमा आयोजित अविभावक भेला अविभावक एवं विद्यार्थी, स्थानीय समाजसेवि, विद्घिजिविहरुको उपस्थितिमाझ भब्यताका साथअविभावक दिवसको दिन सोही विद्यालयको प्रङ्गणमा सम्पन्न भयो। सोही अवसरमा उक्त विद्यालयमा अन्य विद्यालयबाट अध्ययन गर्न आउने विद्यार्थीहरुलाई भब्य स्वागत गरी शैक्षिक सत्र २०६८ मा विद्यालयको विभिन्न कक्षाका प्रथम्, द्वितिय र तृतिय स्थान प्राप्त गर्नुहुने विद्यार्थीहरुलाई पुरस्कार वितरण समेत गरिएको थियो । उत्त विद्यालयमा हाल ४२९ जना विद्यार्थीहरु अध्ययनरत रहेको र विद्यालयले निकट भविष्यमै कम्प्युटर तालिम समेत सञ्चालन गर्ने सोच राखेको हुदा ईच्छुक दाता महानुभावहरुलाई सहयोगको लागि विद्यालयका प्रधान अध्यापक हेमन्त कुमार सुनुवारले अपिल गर्नु भएको छ । हाल सम्म भुजी गा.वि.स. वडा नं ७ का प्रकास सुनुवार, सुसेस अध्यक्ष मन प्रसाद सुनुवार ले २ थान कम्प्युटर उपलब्ध गराई सक्नु भएको जानकारी समेत दिनु भएको थियो । रामेछाप जिल्लाकै नमुना विद्यालयको रुपमा ल्याउनको लागि विद्यालयलाई आवश्यक सहयोग जुटाउने स्थानीय अविभावक, समाजसेवी एवं बुद्घिजिवीहरुले प्रतिवद्घता जाहेर गरेका छन् । गत बर्षको प्रवेशिका परीक्षामा ३९ जनामा ३८ जना उत्तीर्ण गराउन सफल यस विद्यालयले आगमी दिनहरुमा सत प्रतिशत नतिजाको लागि ध्यान केन्द्रित गरिरहेको कुरा समेत अभिब्यक्त गरिको थियो ।