सुनुवार सेवा समाजको आठौं पुरक राष्ट्रिय सम्मेलन सम्पन्न (फोटो फिचर सहित)

काठामाडौं, पुस २ (अखबार नेपाल) ।

सुनुवार सेवा समाजको आठौ पुरक राष्ट्रिय सम्मेलन २०६९ सम्पन्न भएको छ । दुई दिनसम्म चलेको उक्त सम्मेलनमा अहिलेसम्मको काम कारबाहीको प्रतिवेदन समेत प्रस्तुत गरिएको थियो । सम्मेलनबाट केन्द्रीय पदाधिकारीहरुको चयन गरिएको थियो । पदाधिकारी चयनको क्रममा सहमतीय प्रणालीमा पुग्न नसकेपछि अध्यक्ष पदको लागि निर्वाचन भएको थियो भने अन्य पदको लागि निर्विरोध निर्वाचित भएका थिए । अध्यक्ष पदका लागि मनप्रसाद सुनुवार र लोकप्रिय सुनुवारकाबीच प्रतिस्पर्धा भएको थियो ।

विभिन्न जिल्लाका प्रतिनिधि सहित कुल १९० मत मध्ये १६० मत खसेको थियो भने ५ मत बदर भएको थियो अध्यक्षको लागि मनप्रसाद सुनुवारले ११८ मत ल्याई भारी अन्तरले विजयी भएका थिए भने प्रतिद्वन्द्वी लोकप्रिय सुनुवारको ३७ मत प्राप्त भएको थियो । विजयी पदाधिकारीहरुलाई कार्याक्रम सयोजक टंकराम सुनुवारले आगमी दिनहरुको लागि उत्तरोत्तर प्रगतिको कामना सहित नयाँ पदाधिकारीहरुलाई शुभकामना व्यक्त गरेका थिए ।

दुई दिनसम्म सञ्चालन भएको उक्त सम्मेलनमा ताप्लेजुङ, पाँचथर, झापा, मोरङ, सर्लाही, सिन्धुली, धनुषा, ओखलढुंगा, रामेछाप, दोलखा, काठमाडौं, भक्तपुर, ललितपुर जिल्लाका सुनुवार प्रतिनिधिहरुको उपस्थिति रहेको थियो । सम्मेल कोटेश्वरस्थित केन्द्रीय कार्यालयमा सम्पन्न भएको थियो ।

सुनुवार सेवा समाज केन्द्रीय समितिको निर्वाचित पदाधिकारी तथा सदस्यहरु

अध्यक्ष : मनप्रसाद सुनुवार

उपाध्यक्ष : रणवीर सुनुवार, देविन्द्रकुमार मुखिया, विमला सुनुवार

महासचिव : खडोस सुनुवार

सचिव : मनोजकुमार सुनुवार

कोषाध्यक्ष : उत्तमकुमार सुनुवार

महिला सदस्य : शान्तिमाया सुनुवार, झनाकुमारी सुनुवार, डिकासंघर्ष सुनुवार, शोभादेवी सुनुवार र टंककुमारी सुनुवार ।

पुरुष सदस्य : विश्वकिरण सुनुवार, समिरि मुखिया सुनुवार, अमरदीप सुनुवार, दीर्घबहादुर सुनुवार, प्रेमकुमार सुनुवार, नारायणबहादुर सुनुवार, मोहनबहादुर सुनुवार, बुद्धिबहादुर सुनुवार र अमृतबहादुर सुनुवार ।